Жакшылыков Керим (1922–1997) - обончу, ырчы Нарын районунун Дөбөлү айылында 1922-жылы туулган.

Нарын облустук драма театрында ырчы, актер болуп иштеген. Боогачы Жакыпбек уулунун, Муса Баетовдун, Жумамүдүн Шералиевдин, Абдыкалый Темировдун ырларын ырдап, ж.б. күүлөрдү чертип, театрда чакан ролдорду аткарган.

• 1949-жылы ал иштеген Нарын облустук музыкалык театры Ысык-Көл облустук драма театрына кошулган.
• 1951–1964-жж. Т.Сатылганов атындагы Кыргыз мамлекеттик филармониясында иштеген.
• 1957-жылы Ш.Шеркулов, Э.Турсуналиев, К.Үкүбаев, Т.Карымшаков, М.Козубекова сыяктуу комузчулар менен Брюсселде өткөн Бүткүл дүйнөлүк көргөзмөгө катышып, «Көйрөң күү», «Маш ботой», «Чайкама» күүлөрүн аткарышкан.
• 1958-жылы Москвада өткөн кыргыз адабияты менен искусствосунун декадасына катышкан.

Ал «Эсте секет», «Жолугабыз аз күндө», «Чын сүйүү деп сеземин», «Бир өзүңө», «Эгер сүйсөң», «Аттардын сыпаты» ж.б. обондорду жараткан.